سميه وليد
كريم: صاحيه ليه من الفجريه ياسنيه
سنيه: تعبانه طول الليل.. النوم ماجاء عنيه
كريم:خلاص خدي أجازه... حتى لو خصموا المهيه
سنيه:ياريت ياكريم...مش عايزه أخدها إعتياديه
عموما بدأت أرتاح شويه... هشرب فنجان كراويه
أنت رايح الشغل.... لأ هروح أصلح العربيه
تمام أنزل أنا ألحق الورديه
كريم:مع السلامه ياأجمل هديه
سنيه:آه.. آه.. تعبانه وضربات بطني.. آه متلويه
طرقت الباب طرقات قويه.... افتح ياكريم أنا سنيه
كريم:خير ياسنيه ليه العصبيه
سنيه:علامات الولاده شديده علىّ... إلبس حالا.... بسرعه شويه.
دخلنا باب المستشفى الخصوصية ولحقني الطبيب والحكيمه فتحيه
الطبيب:اصرخي.. اصرخي..أكتر شويه... الجنين أوضاعه عكسيه.... مفيش فايده لازم قيصريه
كريم:اتصلت بماما أدام فيها عمليه واتصلت بماما عليّه
ماما:بنتي.. بنتي.. لسه فاكر تتصل بيه... حرام عليكم دي بكريه
سنيه:لاتخافي ياماما.... ده غلطتي.. عديها ليّ
دخلت غرفة العمليات وبعد ساعات شرف الهديه
سنيه:الله جميل ياكريم
كريم:جميل ياسنيه
سنيه:شفتي ياماما قمر البدريه
أم سنيه: هتسميه إيه ياكريم وانت ياسنيه.... فكرتوا ولا لسه شويه
سنيه:سميه وليد ياكريم... حتى يكون قوي البنيه
كريم:مين وليد ياهانم راعي ربنا فيّ
سنيه:ده إسم والسلام.. سميه إنت وسبني أنام
وفجأه اتفتح الباب بطريقه وحشيه... عصفت علينا ريح قويه... ودخلت حماتي دخله عسكريه
أم كريم:جبتلنا واد ياكريم فالح طالع لأمك عليّه
ضحك كريم وتمتم استرها يارب عليّ... ياماما باركي لسنيه ببركة ربنا جابتلنا الذريه
أم كريم:اه وماله ياعنيه بس الرجاله عليها المسئوليه
هات أشيله شويه..... هتسميه ايه ياعنيه
كريم : لسه كنت بفكر مع سنيه
أم كريم:وتتعبها ليه مفيش حنيه؟ .... سميه وليد الإسم ده غالي عليّ
ضحك كريم ضحكته العاديه... وايه بيضحك غير شر البليه... إيه رأيك ياسنيه نسميه وليد....تصدقي إسم حلو فعلا....كانت فكرتي غبيه.... لكن اختيارك صح ياذكيه.
ماما:أجمل إسم ياست عليّه تعيشي وتختار ياغاليه
حاسب ياكريم المستشفى وبينا على البيت جهزتلكم الغرفه البحريه
زغرت حماتي بعنيها العسليه وكانت ساعتها حمرا شويه.... كريم روح بيتك عشان نقدر نزور البنيه
ماما:زعلت ماما وردت وهو بيتنا بعيد ياعنيه... معلش الأصول أصول.... وانت أصيله ياست عليّه
بنتي ف حضني إلي أن تصبح عفيه
أخيرا ياأمي قلت رأييك ف القضيه(بكلم نفسي خليني مستخبيه)
كريم:مقدرش أزعلِك يا روح عنيه.... ياماما أبقى أوصلك كل شويه
سَنَدْني حبيبي وحبيب عنيه وصلني لبيت أمي القويه.
(تمت)
تعليقات
إرسال تعليق